Дурныя людзі
Белорусская народная сказка /на белорусском языке/
- Слушать онлайн mp3, 9:06
Жыў сабе дзед з бабай. І была ў іх дачка. Кажа дзед бабе:
– А што, баба, прымем мы зяця да дачкі?
А баба кажа:
– Прымем!
І прынялі яны зяця-салдата.
Аднойчы зяць паехаў у поле араць, бацька дома застаўся, баба стала ў печы паліць, а дачка пайшла малоць у жорнах. Малола яна малола, ажно лапацень* з жорнаў вываліўся! Стала яна плакаць. Плача і прыгаворвае:
– А што, калі б у мяне дзіцятка было, дык яно б на загнеце* сядзела, лапацень вываліўся ды дзіцятка б забіў!
